Պրոֆեսիոնալ թարգմանությունը պահանջում է թե՛ լեզուների կատարյալ իմացություն, և թե՛ ոլորտային խորը գիտելիք: Մեզ մոտ իրականացվող թարգմանության գործընթացը և կիրառվող մոտեցումները թույլ են տալիս թարգմանություններ կատարել ֆինանսների և աուդիտի, իրավաբանության, տեղեկատվական տեխնոլոգիաների և հաղորդակցության, շինարարության և տրանսպորտի, գյուղատնտեսության և բնապահպանության, առողջապահության, տուրիզմի, կրթության, մարքեթինգի, գովազդի և հասարակայնության հետ կապերի ոլորտներում:

Նաև կատարում ենք պատրաստի թարգմանությունների՝ բնագրի հետ համեմատություն և վերստուգում:

Թարգմանությունները կատարվում են հայերեն-անգլերեն-հայերեն, հայերեն-ռուսերեն-հայերեն և անգլերեն-ռուսերեն-անգլերեն ուղղություններով:

Տեխնիկական փաստաթղթեր, այդ թվում՝ օգտագործողի ձեռնարկներ, հաշվետվություններ, ուղեցույցներ, ընթացակարգեր, ռազմավարություններ, օժանդակ և մեթոդական նյութեր գրելը պահանջում է հատուկ հմտություններ և տարիների փորձ: «Գրիչ» խմբագրական ստուդիան պատրաստ է աջակցել ձեզ կազմել նմանատիպ տեքստեր, ինչպես նաև խմբագրել և սրբագրել դրանք:

Ցանկացած արտադրանքի, ապրանքի կամ ծառայության վաճառքը խթանելու համար անհրաժեշտ են գովազդային տարատեսակ նյութեր՝ ֆլայերից մինչև հեռուստա- և ռադիոգովազդի սցենար: «Գրիչ» խմբագրական ստուդիան առաջարկում է ամենատարբեր գովազդային նյութերի, վեբ-կայքերի գրավոր կոնտենտի, հոլովակների, տեղեկատվական և վավերագրական ֆիլմերի սցենարների ստեղծման ծառայություններ:

Մենք նաև աջակցում ենք նեյմինգի՝ ձեր կազմակերպության, ապրանքների և ծառայությունների շուկայում տարբերվող անվանումների ընտրության և կոնցեպտուալ հիմնավորման հարցում:

Ցանկացած ծավալի տեքստ, անգամ՝ նվազագույն բովանդակությամբ այցեքարտը, կարիք ունի սրբագրման: Չէ՞ որ նույնիսկ մեկ վրիպակը կարող է փոխել այն ներկայացնողի մասին առաջին տպավորությունը: Իսկ կառուցվածքի, բովանդակության կամ ներկայացված փաստերի անճշտությունը կարող են խանգարել ձեր տեքստը ճիշտ ընկալելուն:

Մենք առաջարկում ենք խմբագրման և սրբագրման ծառայություններ, որոնք թույլ կտան ձեզ խուսափել նման վրիպումներից: Ի դեպ, անհրաժեշտության դեպքում, նաև կատարում ենք տեքստում ներկայացված փաստերի ստուգում:

Մասնակցե՛ք «Գրիչ» խմբագրական ստուդիայի կողմից պարբերաբար կազմակերպվող՝ տեխնիկական թարգմանության, գործարար հաղորդակցության, տեխնիկական տեքստերի կազմման և խմբագրման մասնագիտական դասընթացներին, գրանցվե՛ք լեզուների կուրսերի, սովորե՛ք անցկացնել արդյունավետ պրեզենտացիաներ: Մեր մասնագիտական դասընթացները հատկապես կհետաքրքրեն գործարարներին, տեղեկատվական տեխնոլոգիաների ոլորտի մասնագետներին, լեզվաբաններին, ինչպես նաև բոլոր նրանց, ովքեր կարիք ունեն հմտանալու նշված ոլորտներում: Իսկ լեզվի դասընթացները նախատեսված են նրանց համար, ովքեր ցանկանում են զարգացնել գրավոր և բանավոր խոսքը:

Ընկերությունների և կազմակերպությունների համար դասընթացները կարող են անցկացվել նաև իրենց գրասենյակներում:

«Գրիչ» խմբագրական ստուդիան նաև աջակցում է տարբեր ոլորտներում անհրաժեշտ տերմինների որոնման հարցում: Դրա համար բավական է պարզապես գրել մեզ կամ զանգահարել՝ նշելով տերմինը, լեզուն և ձեր կոնտակտային տվյալները: Ի դեպ, այս ծառայությունն անվճար է: